Email: info@ief.edu.la | Tel: 021 480263

ປະຫັວດຂອງ ສະຖາບັນເສດຖະກິດ-ການເງິນ

ສະ​ຖາ​ບັນ​ເສດຖະກິດ​ການ​ເງິນ​ໃນ​ເມື່ອ​ກ່ອນ​ມີ​.ຊື່ວ່າ​ໂຮງຮຽນ​ການ​ເງິນ​ ໄດ້​ສ້າງ​ຕັ້ງ​ຂື້ນ​ໃນ​ປີ 1971 ຢູ່​ເມືອງ​ກ້າງ, ​ແຂວງ​ຫົວພັນ ​ເຂດ​ປັດ​ປ່ອຍ​ຂອງ​ກຳລັງ​ຮັກ​ຊາດ ​ເປັນໂຮງຮຽນ​ການ​ເງິນ ຫຼັງ​ທຳ​ອິດ ​ໂດຍ​ໄດ້​ຮັບ​ການ​ຊ່ວຍ​ເຫຼືອ​ທາງ​ດ້ານ​ວິຊາ​ການຈາກຊ່ຽວຊານ ສສຫວຽດນາມ ​ໃນ​ເວລາ​ນັ້ນ​ໄດ້​ເປີດ​ສອນ​ນັກຮຽນ​ຊັ້ນ​ກາງ 3 ລຸ້ນ ມີ​ນັກ​ສຶກສາ​ເຂົ້າ​ຮ່ວມ 138ຄົນ .

ພາຍຫຼັງ​ທີ່​ປະ​ເທດ​ຊາດ​ໄດ້​ຮັບ​ການ​ປົດ​ປ່ອຍ​ແລະ​ສະຖາປະນາ​ເປັນ​ສາທາລະນະ​ລັດ​ປະຊາທິປະ​ໄຕ​ປະຊາຊົນ​ລາວ​ຢ່າງ​ສົມບູນ ​ໃນ​ປີ 1975. ຈາກ​ນັ້ນ​ໃນ​ປີ 1978 ​ໂຮງຮຽນ​ການ​ເງິນ ພ້ອມ​ອົງການ​ຈັດ​ຕັ້ງ​ທັງ​ໝົດ​ໄດ້​ຍ້າຍ​ມາ​ຕັ້ງ​ຢູ່ ​ບ້ານ ທ່າ​ງ່ອນ, ເມືອງ​ໄຊ​ທານີ, ກຳ​ແພງ​ນະຄອນ​ວຽງ​ຈັນ. ​ໄດ້​ສຶບຕໍ່​ເປີດ​ສອນ​ນັກຮຽນ​ຕື່ມ​ອີກ 3 ລຸ້ນ ມີ​ນັກ​ສຶກສາ​ເຂົ້າ​ຮ່ວມ​ທັງ​ໝົດ 664 ຄົນ, ພ້ອມ​ກັນ​ນັ້ນ​ກໍ​ໄດ້​ເປີດ​ສອນ​ພະ ນັກງານ​ບຳລຸງ​ຊັ້ນ​ສູງ​ທຽບ​ເທົ່າ​ຂື້ນ


1 ລຸ້ນ ມີ​ຜູ້​ເຂົ້າ​ຮ່ວມ​ຈຳນວນ 40 ຄົນ, ​ໂດຍ​ມີ​ອາຈານ​ຈາກ ສສ ຫວຽດນາມ​ເປັນ​ຜູ້​ສິດສອນ​ຜ່ານ​ພາສາ​ແປ ​ໃນ​ປີ1987 ກະຊວງ​ການ​ເງິນ​ໄດ້​ລວມ​ເຂົ້າກັນ​ກັບ​ແຜນການ​ແຫ່ງ​ລັດ ມີ​ຊື່​ເອີ້ນ​ວ່າ
​ກະຊວງ​ເສດຖະກິດ​-ແຜນການ​ແລະ​ການ​ເງິນ” ​ຄະນະ​ດຽວ​ກັນນັ້ນ​ໂຮງຮຽນການເງິນ ກໍ່ໄດ້ປ່ຽນຊື່ມາເປັນ​ໂຮງຮຽນ​ເສດຖະກິດ​ແຜນການ​ແລະ​ການ​ເງິນ​ໄດ້​ຮັບ​ການ​ສ້າງ​ຕັ້ງ​ຂື້ນ​ຢູ່​ພາຍ​ໃຕ້​ການ​ຄຸ້ມ​ຄອງ​ຊີ້​ນຳ​ຈາກ​ພະ​ແນ​ກການ​ເງິນ​ກຳ​ແພງ​ນະຄອນວຽງ​ຈັນ,ມີ​ສະຖານ​ທີ່​ຕັ້ງ​ຢູ່​ບ້ານ​ດົງ​ຄຳ​ຊ້າງ ​ເມືອງ​ຫາດ​ຊາຍ​ຟອງ ນະຄອນຫຼວງ​ວຽງ​ຈັນ.

 ມາ​ຮອດ​ກາງ​ປີ 1993 ກະຊວງ​ການ​ເງິນ​ໄດ້​ແຍກ​ອອກ​ຈາກ​ກະຊວງ​ເສດຖະກິດ​ແຜນການ ​ແລະ​ການ​​ເງິນ ມາ​ເປັນ​ກະຊວງ​ການ​ເງິນ​ອີງໃສ່ຄວາມຮຽກຮ້ອງຕ້ອງການຂອງວຽກງານໂດຍສະເພາະຂະແໜງການເງິນ-ການບັນຊີ ສະ​ນັ້ນ ພະ​ແນ​ກການ​ເງິນ​ກຳ​ແພງ​ນະ​ຄອນ​ວຽງ​ຈັນ ຈື່ງ​ໄດ້​ໂອນ​ໂຮງຮຽນ​ເສດຖະກິດ-​ແຜນການ​ແລະ​ການ​ເງິນ ຂື້ນ​ກັບ​​ກະຊວງ​ການ​ເງິນໂດຍກົງ ​ແລະ ​ໄດ້​ປ່ຽນ​ຊື່​ມາ​ເປັນ ​ໂຮງຮຽນ​ການ​ເງິນ​ຊັ້ນ​ກາງ ​ມາ​ຮອດ​ປີ 2005 ​ໂດຍ​ອິງ​ໃສ່​ໂຄງການ​ຮ່ວມ​ມື ສອງ​ກະຊວງ​ການ​ເງິນ ສອງ​ປະ​ເທດ ລາວ ຫວຽດນາມ​ໂຮງຮຽນ ​ໄດ້​ຮັບ​ທຶນ​ຊ່ວຍ​ເຫຼືອ​ລ້າ​ຈາກ​ລັດຖະບານ ສສ ຫວຽດນາມ​ໂດຍ​ແມ​່ນສະ​ຖາ​ບັນ​ການ​ເງິນ ສສ ຫວຽດນາມ ມາ​ຈັດ​ຕັ້ງ​ການ​ຮຽນ​ການ​ສອນ
​ໃນ​ລະບົບ​ປະລິນຍາ​ຕີ​ໃຫ້​ແກ່​ພະນັກງານ 1 ລຸ້ນ ຊື່​ງມີ​ນັກ​ສຶກສາ​ເຂົ້າ​ຮຽນ​ຈຳນວນ182ຄົນ ມາ​ຮອດ​ປີ 2006 ​ໂຮງຮຽນ​ໄດ້​ຖືກ​ຮັບຮອງ​ຈາກ​ກະຊວງ​ການ​ເງິນ​​ໃຫ້​ເປັນວິທະຍາ​ໄລ​ ຈາກ​ນັ້ນ​ໂຮງຮຽນການ​ເງິນຊັ້ນ​ກາງ​ໄດ້​ປ່ຽນ​ຊື່​ມາ​ເປັນວິທະຍາ​ໄລ​ການ​ເງິນ​ພາກ​ກາງ ​ເປັນ​ເສນາ​ທິການ​ໃຫ້​ແກ່​ກະຊວງ​ການ​ເງິນ​ໃນ​ການ​ສ້າງ​ຊັບພະ​ຍາກ​ອນມະນຸດ ດ້ານ​ການ​ເງິນ-ການ​ບັນຊີ ​ໃນ​ລະດັບ​ຊັ້ນ​ກາງ ຊັ້ນ​ສູງ ທັງ​ລະບົບ​ກໍ່ສ້າງ​ແລະ​ລະບົບຕໍ່​ເນື່ອງ . ວິທະຍາ​ໄລ​ຂອງ​ພວກ​ເຮົາກໍ່​ໄດ້​ມີ​ການ​ພັດທະນາ​ທາງ​ດ້ານ​ໂຄງການ​ຫຼັກສູດ​ຢ່າງ​ບໍ່​ຢຸດ​ຢັ້ງ​ ແລະ​ ກໍ່​ໄດ້​ຮັບ​ການຮັບຮອງ​ຈາກ​ກະຊວງ​ສຶກສາ​ທິການ ​ແລະ​ ກິລາ ອະນຸມັດ​ໃຫ້​ເປີດ​ການ​ຮຽນ​
ການ​ສອນ​ໃນ​ລະດັບ​ປະລິນຍາ​ຕີ ທັງ​ລະບົບ​ກໍ່ສ້າງ​ໃຊ້​ເວລາ​ຮຽນ 5 ປີ ​ແລະ​ລະບົບ​ຕໍ່​ເນື່ອງ 2 ປີ ນອກຈາກ​ນັ້ນ​ພວກ​ເຮົາ​ກໍ່​ຍັງ​ໄດ້​ຮ່ວມ​ມື​ທາງ​ດ້ານ​ວິຊາ​ການ​ກັບ​ສະ​ຖາ​ບັນ​ການ​ເງິນ ສສ ຫວຽດນາມ ​ເປີດ​ສອນ​ໃນ​ລະດັບ​ປະລິນຍາ​ໂທ. ຄຽງ​ຄູ່​ກັບ​ການ​ພັດທະນາ​ທາງ​ດ້ານ​ໂຄງການ​ຫຼັກສູດ​ຈາກ​ຊັ້ນ​ກາງ​ມາ​ເປັນ​ຊັ້ນ​ສູງ, ຈາກຊັ້ນ​ສູງກໍ່ສ້າງ​ໃນ​ລະດັບ​ມາ​ເປັນ​ປະລິນຍາ​ຕີ​ ແລະ ​ປະລິນ​ຍາ​ໂທ​ ແລ້ວ​ທາງ​ສະ​ຖາ​ບັນ​ພວກ​ເຮົາ​ກໍ່​ຍັງ​ໄດ້​ພັດທະນາ​ຄູ​ໃຫ້​ມີ​ຄວາມ​ຮູ້​ສູງ​ຂື້ນ​ເທື່ອ​ລະ​ກ້າວມາ​ຮອດ​ປະຈຸ​ບັນ​ໂດຍ​ໄດ້​ຮັບ​ການ​ຊ່ວຍ​ເຫຼືອ​​ຈາກ​ລັດຖະບານ ສາທາລະນະ​ລັດ ສັງຄົມ​ນິຍົມ​ຫວຽດນາມ ​ໃຫ້​ລັດຖະບານ​ ສາທາລະນະ​ລັດ​ ປະຊາທິປະ​ໄຕ ປະຊາຊົນ​ລາວ ​ໃນ​ການ​ກໍ່ສ້າງ​ພື້ນຖານ​ໂຄງ​ລ່າງ​ໂຮງຮຽນ​ໃນ​ໄລຍະ​ທີ​ໜື່ງ​ເຮັດ​ໃຫ້ພວກ​ເຮົາ​ໄດ້​ມີ​ຕຶກ​ອາຄານ​ທີ່​ທັນ​ສະ​ໃໝ ມີ​ສະຖານ​ທີ່​ໂອ່​ໂຖງ ກ້ວາງ​ຂວາງ ​ແລະ​ພວມ​ສືບ​ຕໍ່​ກໍ່ສ້າງ​ໃນ​ໄລຍະ​ທີ​ສອງ ພ້ອມ​ກັນ​ນັ້ນ​ກໍ່​ມີ​ອຸປະກອນ​ຮັບ​ໃຊ້​ໃນ​ການຮຽນ​-ການສອນທີ່​ທັນ​ສະ​ໃໝ.

ບົນ​ພື້ນຖານ​ເງື່ອນ​ໄຂ​ດັ່ງກ່າວບວກ​ກັບ​ຄວາມ​ຮຽກຮ້ອງ​ຕ້ອງການ​​ໃນ​ການ​ພັດທະນາ​ການ​ສຶກສາ​ໃນ​ລະດັບສູງ​ທຽບທັນ​ກັບ​ສາກົນ ​ແລະ ພາກ​ພື້ນ ວິທະຍາ​ໄລ​ພວກ​ເຮົາ​ໄດ້​ສະ​ເໜີຕໍ່ຂັ້ນເທິງ​ຂໍ​ຍົກ​ຂຶ້ນ​ເປັນ​ສະ​ຖາ​ບັນ​ສຶກສາ ມາ​ຮອດ​ວັນ​ທີ 19 ​ທັນວາ 2​009 ​ໄດ້​ມີ​ຂໍ້​ຕົກລົງ​ຈາກ​ກະຊວງ​ສຶກສາ​ທິການ ອະນຸຍາດ​ໃຫ້​ວິທະຍາ​ໄລ​ການ​ເງິນ​ພາກ​ກາງ ​ຍົກ​ຂຶ້ນ​ເປັນ​ສະ​ຖາ​ບັນສຶກສາ​ຊັ້ນ​ສູງ​ເສດຖະກິດ​-ການ​ເງິນ ​ແລະ ​ໄດ້​ມີ​ດຳລັດ​ຂອງ​ນາຍ​ຍົກ​ລັດຖະມົນ​ຕີ ສະບັບ​ເລກທີ 419/ນຍ, ລົງ​ວັນ​ທີ 28 ກັນຍາ 2010 ວ່າ​ດ້ວຍ​ອະນຸມັດ​ໃຫ້​ວິທະຍາ​ໄລ​ການ​ເງິນ​ພາກ​ກາງ​
ຍົກ​ຂຶ້ນ​ເປັນ​ສະ​ຖາ​ບັນ​ເສດຖະກິດ​-ການ​ເງິນ, ສະ​ຖາ​ບັນ​ເສດຖະກິດ-​ການ​ເງິນ​ຂຽນຫຍໍ້ສສງ ​ເປັນ​ຫົວໜ່ວຍວິຊາ​ການ​ລະດັບໜຶ່ງຂຶ້ນ​ກັບ​ກະຊວງ​ການ​ເງິນ ມີ​ສຳນັກງານ​ຕັ້ງ​ຢູ່​ບ້ານ​ດົງ​ຄຳ​ຊ້າງ, ​ເມືອງ​ຫາດ​ຊາຍ​ຟອງ ນະຄອນຫຼວງວຽງຈັນ ມີ​ພາລະ​ບົດບາດ​ໃນ​ການ​ຈັດການສຶກສາ ​ເພື່ອ​ກໍ່ສ້າງ​ວິຊາ​ການ​ ບຳລຸງ​ຝຶກອົບຮົມພະນັກງານ ຄົ້ນຄວ້າ​ວິທະຍາສາດ ​ໃຫ້​ບໍລິການ​ດ້ານ​ວິຊາ​ການ​ກ່ຽວກັບ​ເສດຖະກິດ​-ການ​ເງິນ
. ມາຮອດປະຈຸບັນ ລະບົບການຮຽນ-ການສອນຢູ່ໃນສະຖາບັນເສດຖະກິດ-ການເງິນມີ 3 ລະບົບຄື: ອານຸປະລິນຍາຕີ 3 ປີ, ປະລິນຍາຕີລະບົບກໍ່ສ້າງ 4 ປີ,ປະລິນຍາຕີລະບົບຕໍ່ເນື່ອງ 2 ປີ.

X